Fryma poetike e së dielës me poeten:-Linda FANA

Kaçaniku dhe Rruga e Lirisë

——————————————

Në Kaçanik u ngrit flamuri i parë,

Kur errësira rëndonte mbi shqiptarë.

Aty u shpall Republika me guxim e besim,

Një dritë shprese për brezat në vazhdim.

Me fjalë të urta e me zemër të fortë,

Ibrahim Rugova mbajti gjallë një botë.

Kërkoi liri me durim e mençuri,

Që Kosova të ecte drejt pavarësisë.

Por liria s’erdhi nga një dorë e vetme,

Shumë bij e bija dhanë mundime të çmueshme.

Nëpër vite sakrificash e qëndrese,

U ndërtua rruga e shpresës dhe mbijetesës.

UÇK-ja lindi nga bijtë e këtij vendi,

Nga ata që nuk u përkulën para asnjë rendi.

Adem Jashari e shumë luftëtarë të tjerë,

Shkruan me gjak historinë e tyre.

Pastaj erdhi dita e madhe, dita e bekuar,

Kur ëndrra e brezave u pa e realizuar.

Në Kuvend u firmos akti i shtetit të ri,

Si vazhdim i një rruge drejt pavarësisë.

Historia është vepër e shumë brezave bashkë,

E atyre që punuan në paqe e në flakë.

Prandaj nderi u takon të gjithëve pa dallim,

Që Kosovës i dhanë liri dhe përjetim.

/QendraPress/