Fryma poetike e së mërkurës me poeten;-Adelina MINA

ATDHEU

——————–

Atdheun në pëllëmbë e mbaj,

Në sy ditë e natë e kundroj,

Mbi shpatulla e peshoj,

Në gjoks fort e shtrëngoj.

Në këmbë ec mbi trup të tij,

Peshën e gjithë jetës ngarkova,

E ti më mbajte, Atdhe, pa bërë zë,

Si dhimbjen që fsheh në zemër nëna.

Emrin e ke lule mali, erë trëndelinë,

Një pemë, një lumë, një dallëndyshe,

Një krua, nimfë ujëvare, gur i rëndë,

Ilir, Teutë, Gjergj, Rozafë, jam arbëreshe.

Emrin tënd e mbaj në buzë,

Si lutje, si këngë, si amanet,

Atdheu, je rrënja ime e lashtë,

Fryma ime përjetë që dhemb deri në ashtë.

/QendraPress/