Çaste poetike me poeten;-Bujana MALAJ

DIELLI……

———————

Dielli dalëngadalë

iku të mbyll synë

më mori me vete

më mori fuqinë.

Me ngjyrë alli t’kuqe

qiellin lart e ndezi

flini tash të qetë

sa të vijë mëngjesi.

Në grushtin e vogël

dielli krejt u derdh

tash do mbylli synë

mëngjesi po vjen.

Pse dielli u skuq

uli kokën poshtë

doktor mbi doktor

jam kudo në botë.

Le të bjerë shi

le të bjerë borë

bota më kërkon

si t’ mirin doktorë.

Qepallat gjatë ditës

hapen mbyllen vetë

gjithë çfarë është e gjallë

shpirtit i jap jetë.

Nesër nëse s’jam

mos thoni ka vdekë

më kërkoni mua

të ju kthej në jetë.

Askush nuk më prek

i djeg sikur prush

fuqinë kam të madhe

si unë as kërkush.

/QendraPress/