Çaste poetike me poetin;-Gazmend BEQAJ

Mantelbardhë

———————-

Bija ime

Ti tash u rrite

S’je më ajo çupëlinë e djeshme

E ndrojtur e aq e hajthshme

Plot frikëra dyshime e paqartësi…

Përmes lotëve të fshehur

Sakrificave e përkushtimit të pafund

Me durim urti e mund

Me zemrën e pastër e shpirtin e bardhë

Ti sot ia arrite

Të bëhesh një dritë mantelbardhë…

Ti tashmë u rrite

Në kërkim të ëndrrës tënde

Ti ia arrite

Me besim e mendje

Guxim e dashuri në shpirt

T’ia hapësh rrugën fatit

Që bekimi i tij

Urtë e qetë deri te ti me ardhë

Si një mantelbardhë

/QendraPress/