Çaste poetike me poetin;-Xhemajli SHALA

TI JE MË E VEÇANTA

———————————-

Ti je më e veçanta

më e ëmbla më e mira

kur je ti në shoqërinë time

Ti m’je më e dlira

Je më e bukura

je modeste je fisnike

sa të kam lakmi moj e dashur

për çdo fjalë ke harmoni

Je më e mira në çdo anë

me buzëqeshjen plot hijeshi

sa më lehtë më bëre për vete

pa përdorur asnjë magji

Ty kështu do të dua gjithmonë

pa dallim në çdo stinë

se në shpirtin tim ke hyrë

si një dritë që s’di të shuhet kurrë

Ti je sharm ti je ëmbëlsi

je një ëndërr që s’dua ta zgjoj

sa herë të shoh pranë meje

zemra thotë vetëm ty të dashuroj

/QendraPress/