Çaste poetike me poetin;-Halit HALITI

SHQIPJA HAP KRAHËT

———————————–

Në Leinfelden u hap një vend i duhur

aty ku më ndryshe do të rrahin zemrat

një shkollë shqipe me emër të njohur

një vend shprese ku u realizuan ëndrrat

Fëmijët me dashuri këtu do të mësojnë

për rrënjët e tyre të origjinës shqiptare

me dinjitet kulturën do ta përqafojnë

e shumë njohuri me rëndësi kombëtare

Ata mësojnë shqip me dëshirë e krenari

nga mësueset e tyre me durim e dashuri

që i orientojnë fëmijët drejt identitetit

shqipja hap krahët për të shtuar njohuri

Shkolla shqipe ABETARJA shpresë e ardhmërisë

aty ku fëmijëve zëri lirshëm do t’iu dal

vend komunikimi që ndihen si në shtëpi

gjatë udhëtimit në çdo hap, për secilën fjalë

/QendraPress/