E diela me krijuesit prizrenas:Skender Berisha
KËNGË PËR TY E PËR MUA
Këngë e shtruar mirë
Rrjedh kulluar
Pak më zë mua
Pak të zë ty
Brenda këngës jemi të dy
Këngë e shtruar kulluar
Pak a shumë e shkolluar
Nuk lë vend për të vajtuar
Asnjë fjalë e tepruar
Rrjedh e qetë e duruar
Nëpër zgripce ka kaluar koha
Ëmbël e hidhur e mbarësuar
Aspak me të spekuluar
Ta dëgjosh e dhembshuruar
Petk i gjelbër e ka mbuluar
Det i kaltër me të kaltëruar
Nuk e di moj e bekuar
Tash më shpejt
Mos ma ke dëgjuar 2 shtator 2020
