Me poeten;Prenda SEJDIA
EH KJO VJESHTE NË IKJE
————————————
Më djeg kjo vjeshtë edhe kur i flet mallit
Në prag dimri në terrin e hutuar
Hirin do e ndez e dheun në flakë do e kallë
Bloza e than barin e mbirë mbi gërmadha
Si dielli është mendimi shiu apo era
Këto i druhen mallit tim
Të tregojnë shtegun kah mbrëmja
Në gjendesh mes të verdhës e të gjelbrës
Tek caku ku vjeshta jonë merr frymë
Me shpirtërat e erës mund të flas
Edhe sikur të tretem si vjeshta a të tretem ndër sy
Hapat që hedh duhet mirë ti mat
Këto klithma më trembin e nata që hesht
Pasi as qielli s’është i kaltër gjithnjë
Eh dhe kjo vjeshtë në ikje
