Rinia e NISMA Socialdemokrate filloi me mbajtjen e proceseve zgjedhore nga dega e Prizrenit.

Në një atmosferë të shkëlqyer, përmes përfaqësueseve të vet, Rinia e Prizrenit zgjodhi Këshillin Drejtues, Kryesinë e re dhe me votim unanim i’u besua edhe një mandat kryetarit të deritanishëm z. Edin Shehu.

Kuvendin e Rinisë së NISMA në Prizren nga niveli qendror e përshëndetën kryetari i Rinisë z. Xhemajl Hazizi, kryetari i degës z. Zafir Berisha dhe z. Bekim Brestovci, përfaqësues nga Sekretariati Organizativ.

Të bashkuar si gjithmonë, Rinia e NISMA në Prizren po dëshmon se është boshti i të rinjve me vullnet dhe energji pozitive në misionin e shenjtë të shtetndërtimit.