E diela me penën e artë të;Gëzim Ajgeraj

LETËR

Zotrinjë të evropës

ju që lirinë e keni me bollëk

neve këtë copëz drite

shtrejtë e paguam

me gjakun e ashtin tonë

Nëse doni ta besoni

shihni ato djepa të shkrumuara

ato mijëra varre fëmijësh

që ua këputën rritën

I shihni ata mijëra plisa pa koka

pranë kullave të shkrumuara

jan pleqtë

plakat që i dogjën tek votra

I shihni kodrat e Kosovës

ndrydhen varreve

jan lulëkuqet e mbjella

për këtë copë diell

Ato varre të hapura atje

i presin bijtë e vrarë, eshtrat tu kthehen

i presin të zhdukurit pa nam e nishan

diku në Batajnicë, Nish, Rashkë, Kurshumli,

Kalamegdan e Beograd

Kosovën e mbytën në varre

e krimin e morën me vete

atje në Beograd

trofe për ju zotrinjë

të evropës së verbër