A mund të luhet symbylltas me At-dheun -Poezi nga;Qazim THAÇI

A mund të luhet symbylltas me  At-dheun

——————————————————

Kur zëri i moçëm i të parëve bëhet amanet

A mund të luhet symbylltas me  atdheun?

Apo gurin e tokës e bëjmë si gjethi i vjeshtës së vonë

Për ta zgjuar Oso Kukën, nga legjenda e fjetur në Janinë.

E si mund të masin veten në borgjin  e të rënëve

Kur At-dheut ia bëjmë lojën me hile sikur të lozim shah

Jeta  nuk është ‘’cic,mic’’ as nuk është panoramë e rrejshme

Me zërin e dëshmorëve ti bëjmë iso atyre që shesin idealin

Dashuria  ka edhe më shumë se dhembjen për Kosovë

Ka edhe porosinë e Hasan Prishtinës  se jeta është atdheu

Kur furfurinë erërat nëpër stuhi motesh Pashtrikut plak

I dridhet vendi Pikëllimës për ta mat vdekjen me jetë.