Aksidenti me fatalitet në Podujevë, Prokuroria kërkon 30 ditë paraburgim për shoferin e autobusit 
30 ditë paraburgim i ka kërkuar Prokuroria e Shtetit, për shoferin e autobusit që u përfshi në aksidentin në rrugën Prishtinë – Podujevë.Lajmin e ka konfirmuar zëdhënësja e Prokurorisë së Prishtinës, Laureta Ulaj.“Me 29.07.2022, prokurori i çështjes ka paraqitur kërkesë për caktim te paraburgimit ndaj te pandehurit F.I., shofer i autobusit, për veprën penale “Rrezikimi i trafikut publik” (me fatalitet).”, thuhet në deklaratën e Ulajt.Shoferi i autobusit u arrestua dje, pas aksidentit ku mbetën të vdekur dy persona, e u lënduan dy fëmijë të tjerë.Tash, për masën e sigurisë ndaj shoferit të autobusit, pritet të vendos Gjykata Themelore në Prishtinë.
