Arrestohet ish-komandanti i stacionit të milicisë në Rakosh, si i dyshuar për krime lufte

Hetuesit policorë nga Drejtoria për Hetimin e Krimeve të Luftës (DHKL), kanë arritur që sot, më 05.08.2023, rreth orës 12:30, në fshatin Lubozhdë të komunës së Istogut të lokalizojnë dhe të arrestojnë të dyshuarin Ž.Z., viti i lindjes 1954, i dyshuar për veprën penale “Krime lufte kundër popullatës civile” të kryer gjatë vitit 1998-1999 në komunën e Istogut.

I dyshuari gjatë kohës së luftës në Kosovë në vitin 1998-1999 ka pasur pozitën e komandantit të Nën Stacionit Policor në fshatin Rakosh të komunës Istogut.

Sipas njoftimit të policisë, i arrestuari është sjellë në zyrat e DHKL-së ku pritet të intervistohet në cilësi të dyshuarit, në prezencë të avokatit mbrojtës.