Bllokohet pasuria e dy fajdexhinjve në Pejë, dhe mbi 50 mijë euro në llogaritë bankare

Prokuroria Themelore në Pejë njofton se ka bllokuar pasurinë e dy fajdexhinjve.Këtë e ka konfirmuar për Gazetën Online “Reporteri.net”, Prokuroria e Pejës.“Në çështjen penale kundër dy të pandehurve për shkak të veprës penale të fajdesë nga neni 331 i KPRK-së, pas ndërmarrjes së veprimeve hetimore ka vazhduar me ngrirjen e pasurisë së pajustifikuar, ashtu që ka lëshuar urdhrin për ngrirje të aseteve dhe atë: një banesë me 90 m2 në Prishtinë; një shtëpi dy katëshe me oborr në Pejë; dhe katër parcela me sipërfaqe 30,542 m2 tokë bujqësore klasa 3 në Pejë”, ka thënë Shkodran Nikqi, zëdhënës i Prokurorisë së Pejës për Reporteri.net.Ai ka thënë se janë bllokuar edhe mbi 50 mijë euro nga llogaritë bankare.“Është parashtruar edhe kërkesa për lëshimin e urdhrit ndalues për këto pasuri. Gjithashtu, në këtë rast kjo prokurori ka bllokuar edhe mbi 50.000 euro në llogaritë bankare të të pandehurit”, ka deklaruar ai