Çaste festive me poetin;Sahit Osmani
FLAMURI
———————
Me dëshirën e dashurisë sonë
Qindvjeçarë valëvitet natë e ditë
Me dy palë krerë e dy palë sy
Rreptas përleshet me stuhitë
Valëvitet në çdo cep të atdheut
Me krahët e shqipes të tendosura
Krerët kryelartë nga kohë e Skënderbeut
Majë fortesash,shesheve, përmendoreve…
Liria e pat ëndërruar përjetësisht;
Kuq e Zi t’i rrezatojë Atdheut,
Kuq e Zi t’i rrezatojë Popullit,
Kuq e Zi t’i rrezatojë Pavarësisë!
