Çaste historike në kujtim te trimreshave shqiptare nga ;Shukrije Gashi

Me rastin e shënimit të ditës kunder eleminimit te dhunës ndaj grave.

[NUK JAM BURRË PO JAM GRUE

(21.11.2012)

————————————

Hej ju burra çka jeni hutue

Shote Galica me thonë mue

nuk jam burrë po JAM GRUE,

naçallnikun e kam shitu

n’lule t’ballit ia kam numrue

Nanë Kosova m’ka lindë mue

amanetin n’ven e kam çue

krejt Shqypninë pa e çlirue

nuk ka pushkë që me rrxonë mue

Nuk jam burrë po JAM GRUE

N’ katërdhet akcione kam luftue

N’ FushëKruj fortë jam ngushtu

kur municioni m’u ka marue

me jetima jam qëllue

për Shqypni hej jam flijue

Zogu i Zi qoftë mallkue

nje copë bukë s’ma ka dhanë mue

veç jetimat me i pshtue

Nuk jam burre hej po JAM GRUE

Nuk ka kohë që më vret mue

Veç JU VLLAZEN M’KENI HARRUE

Jam Kosova e larë me gjak

Dy-mije vjet lule n’bajrak

Nuk jam burrë hej po JAM GRUE

SHOTE GALICA më thonë mue

N’ Mitrovicë prap jam msy me shku

Bacën Isë me taku kam do fjalë me ja thanë

dheu mrena nuk do me m’ lanë

pa i ra Ibrit anë për anë

Jam SHQYPNIA E ILIRSË

N’log t’mejdanit i dalë burrnisë

Nuk jam burrë po JAM GRUE me u koritë

nuk jam mësue

me luftue ia kam zanat

jam me MOTRA nuk jam e ngratë…!