Plagët e dëshmorit

——————————-

Eja, nuse e çlirimtarit

Jepi burrit shamikuqen!

Ndalja gjakun te damari

Që e mori përmes lufte.

Për liri ai ka luftuar

Mbyllja plagën që kullon

Përgjithmonë ka për t’u kujtuar

Në çdo prag e në çdo odë.

Lidhja plagët që kuqojnë

Thur për të kurorë kujtese!

Shqiptaria ta nderojë,

Porsi diell që sjell rreze!

-Nanë e babë mos më qani

Amanet fëmijët e mi!

Kur të vini prapë te varri

Merrni frymën për liri!

Sot është dita e dëshmorit

Shih shqiponjat që flatrojnë!

Ndaluni një çast te varri

E ndero trimat dëshmorë!

Havë Shabanaj