Çaste poetike me poeten:-Adifete SHITI

Rrugë pa kthim

—————————

Tu e prit hanën…

të më ndriçojë udhën,

lindi dielli…

me zjarrin e tij, të më shembë dhe ngrohë.

U fsheh ndër re…

tu e prit shiun, të më prekë në lëkurë.

Mendimet ikën…

asnjëra s’u kthye,

të gjitha shkuan… pa gjurmë.

Edhe dëbora…

u tret si kujtimet,

e iku sikur kurrë s’pati qenë.

E prita botën…

të ndalej për mua,

por kuptova…

se ajo s’e ndal hapin për askënd.

Çdo gjë vjen e shkon…

si mësim i jetës,

dhe veç zemra qëndron…

të mësojë të presë…

e të mos presë më.

Adifete Shiti ©

/QendraPress/