Çaste poetike me poeten:-Afërdita PODVORICA

NE : DASHURIA VETË

————————————-

E pyeta shiun në heshtje, me mall,

nëse dashuria është ndjenjë pa fjalë.

Sepse atë ditë kur u pamë në sy,

binte shi — dhe gjithçka mori kuptim aty.

Ti u bëre ombrella ime e ngrohtë,

jo vetëm për shiun, po edhe për botë.

Më mbrojte nga stuhitë që s’duken,

nga fjalët që heshtin, nga plagët që nuk thuhen.

I ndoqëm ndjenjat pa kthim, me zjarr,

deri ku s’kishte më tokë, as varr.

Veç ne të dy, në sekondën e tretur,

që zgjati një jetë — pa fund e të etur.

E bëmë jetën si hyrje pa mbyllje,

me faqe që flisnin për një përqafim.

Ku çdo rresht mbante një të vërtetë,

dhe tema e vetme :Ne dashuria vetë.

/QendraPress/