Çaste poetike me poeten;-Aida  HOXHA

Muzg zemre

————————-

Aty ndodhem unë ku rreh zemra jote

askund nuk me çuan rrugët e kësaj bote

sa herë që mar frymë je adrenalinë

nuk ka sen ma t’mirë që knaq shpirtin tim

embel t’a puth pragun

të dua të tërë

sa her ulem shtruar

nuk di ç’me ke bërë

paska ca dashni

qe si blen kerkush

ma ngroh zemrën t’ime

hem me djeg si prush

Zot te kofsha falë që po ndjej kaq fort

nëse mungon shpirti trupi jeton kot

do rri e të shkruj t’a zbrazi krejt mall

o prag i bekuar veç ti me mban gjallë

nuk u fika kurr po mbeta një prush

valixhet e shpirtit di se ku t’i mbush

do rroj e do vdes ulur në k’te prag

dashuri e shpirtit s’mundem me t’pas larg

/QendraPress/