Çaste poetike me poeten;- Anila KODRA

NUK HARROVA DOT

—————————–

Harrova mëngjeset që ishin pa ty,

Po ashtu dhe mbrëmjet harrova,

Ndoshta edhe shikimin në sy

Ike ti. Larg edhe unë shkova.

Desha ti harroj ditët me diell

Çastet kur për dore ecnim të dy,

Lash dhe ëndrrat të shkonin në qiell

U mundova harruar të të bëja ty.

Urreva cdo ditë që heshtur shkonte

Që më çonte gjithnjë larg nga ti,

Vec zemra më shumë pranë të donte

Të desha dikur, si ajrin të dua përsëri.

Të gjitha ndoshta i harrova

Cdo gjë, dhe botën dhe fjalët që the,

Në sirtar ëndrrash të mbulova

Po ashtu dhe momentet që kaluam ne.

Cdo gjë e largova , e hodha tutje

Fjalët, zënkat tona, por edhe mëritë

Se më vije ditëve si bekim e lutje

S’munda të të harroj asnjë çast, asnjë ditë.

Nëse ty harruar unë do të të kisha

Po njësoj do ishte edhe vetja ime,

S’më la zemra. Cdo çast me ty isha

Jetova mes ëndrrash dhe në vegime .

/QendraPress/