Çaste poetike me poeten;-Arbana ARBA

Dashuria!

————————

Hmm,dashuria,

Për emrin tënd flet kënga e popullit,

për emrin tënd shkruan shkrimtari,

filozofi,madje dhe mbreti,

për ty nisin luftërat gjithëkohëshe,

po ,për ty shtrëngohen duar dhe

ngrihen flamuj të bardhë paqeje .

Malësori të këndon tinguj lahute,

e çobani me fyell bën të vallëzojnë yjet,

Ti je biseda e zonjave me llëra të bardha ,me

çanta të shtrenjta në duar e me skarpina të larta.

e zotërinjve,që karrigen lëvizin me emrin tënd,

Dashuri.

Eh,dashuri …,dashuri,

u bëre si ujët e oqeanit,

dhe egon ua kënaqe nga pak të gjithëve,

ndërsa ti për ironi je kaq

bujare në gjithë qënien tënde,

i buzëqeshe gjithkujt, dhe i

 bëre të ndihen pronarë,

I le të shkojnë mëritë,

zilitë ,hipokrizitë,

sharlatanët e të ashtuquajturit,

prometej,dhe zgjedh vend të frymosh,

aty ku vetëm shtrati yt fle,

në universin e pafajësisë.

/QendraPress/