Çaste poetike me poeten;-Armenida QYQJA

Botë e vaktë…

———————–

Të vakta, ditët, buzëqeshjet e diellit

Si manaferrat që s’ëmbëltohen kurrë,

Shije të ujshme kanë frutat,

Shirave, aromën kanë humbur…

Perëndim i vaktë, zogjtë këndojnë pa radhë

Kush të zërë një shoqe më parë,

E vonuar si gjithnjë erdh’ pranvera,

E ikur pa mbërritur do të jetë prapë vera…

Të vakta ditët, buzëqeshjet, njerëzit

Në anën më të bujshme te globit,

Japin e marrin pareshtur tek rendin,

Por dot s’më ngrohin e as më ngopin…

/QendraPress/