Çaste poetike me poeten:- Asja MULGECI

NA KENA ME DEKË PLUHNIT T’FLUTURAVE

———————————————-

Ndoshta, na kena me dekë, n’çdo perendim dielli,

tue puthë syshë ma t’përkoren lule,

aromave t’njasaj lugins blertë,

ku ngjyroset stinsh natyra, njaty ku pergjunjen

dhe zotat vet,posht qiells t’përhime

Na,kena me dekë pluhnit t’fluturave,

pa u ngi me t’bukuren hyjni…

pa celebrue altarit t’shpirtit ket dalldisje t’msheftë

Tufë frikrash ndalen vrapin,

si kulpnaj mbshjellun trupit,

shperbajn esencen e jets,

vijzash t’buzve, mbyllin puthje t’ paputhune,

kena me lypë kyt fergellimë jete,

strukun hijshëm, hojzash blete

Ndoshta kena me dekë n’çdo dekik, fryms

t’njani tjetrit,ku shkrimë mallin e prapë s’u ngimë…

unët kena me mbetë, pa mujt me u prekë,

sa here çilim sytē

Na, kena me dekë, veç mish e asht,

krahnorit tue çilë sythe deshirash,

afshit tue u djegë si kashtë,

e prapë pertej ksaj bote, kena m’u dashtë!

/QendraPress/