Çaste poetike me poeten;-Blerta BASHA

DITA E VERËS!

————————

O Elbasani im, qytet i diellit të parë,

Aty ku Dita e Verës nuk është si ditë e re,

Qyteti ku kam qeshur po edhe kam qarë,

Në shpirt unë të kam e në shpirt dhe ti më ke.

Dua të nisem shpejt tek ty në krah të erës,

Ku diellin mbi kala ta shoh tek buzëqesh,

Të përqafoj të afërmit, t’i uroj ditën e verës,

E të kuptoj Hamletin “te jesh, a te mos jesh”

Ma përkëdhel ti shpirtin, puhizë e vjedhur ere,

Në këtë ditë feste me lule, fantazi

Ta ndjej se jeta ngjan me këtë qiell vere,

Më pas zemrat e njerëzve pushtuar me dashuri.

Dua të vij patjeter atje, qytet i artë,

S’harroj Ditën e Verës ku festa bëhet shpresë,

Të vij me mall aty, mos ndihem vajzë e ngratë,

Ku zemra ime rreh, premton aty të mbesë.

/QendraPress/