Çaste poetike me poeten:-Bujana MALAJ

NJË URË…..!

—————————-

Vetëm një urë më ndante nga ty

dy anët e lumit sa mun fëshkëllenin

dikur më thoje kemi vetëm dy sy

e sot nuk shikojmë as njëri tjetrin.

Ura u shemb unë ngela matanë

e ti zemër thyer me kokën mbrapa

më thoshe për ty e fiku dynjanë

e për mëshirë dorën të zgjata.

Në qoshet e urës e lidha shaminë

ta ndjeje ti si vetmin kujtim

në valët e lumit e mbyta vetminë

urë e plagosur në shpirtin tim.

Dashuritë e mëdha thonë nuk jetojnë

e bashkë me to ikën dhe vetë

ura e shembur dashurinë dëshmon

legjendë dashurie ku këputi dy jetë.

/QendraPress/