Çaste poetike me poeten;- Bukurie BUÇPAPAJ
UNË BIJA E MALSISË
———————————
Një varg, një betim për ty atdhe,
jam zë i harruar si kënga e luftëtarit,
O shpirtit i flas krenar, se sot kam le,
Zani i shqiponjës, betim i shqiptarit.
Hej, jam bijë e Malsisë së Gjakovës,
me germa zemre, hymn i këndoj Shqipërisë,
Atje mbi ajrin e më t’bukurit e Tropojës,
Aromën bjeshkëve ia sjell poezisë.
Rrjedh Valbona në vargje bukurane,
Drinit i bashkohet me nur, krenari
O Malsi e mirë, je bekim prej nane,
Unë bija jote lartësohem me ty.
I thërras Shkelzenit prej Gollakut,
Amanetin e bacës Adem jehonë e përcjell,
Jam çika e Krasniqes,derë e bajrakut,
Bashkimit kombëtar, i shkruaj përherë.
Kulla e Mic Sokolit, Fortesë historie,
Në Prekaz e ka nisë një kushtrim lirie,
Në Boletin te Isa ka marrë betimin,
Në Krujën e Kastriotit ta bëjmë bashkimin.
Malet u drodhën nga amaneti,
Mitrovica ka rreh telin e çiftelisë,
Atje në Vlorën e Ismail beut,
Mbledh trimat mbi varre të Çamërisë.
Po ty o Sanxhak kurrë s’të harrova,
se nga loti i babës për ty mësova,
Në Hot e Grudë kam gjakun arbëror,
Varret e të rënve, klithma lëshojnê.
Medvegja , Bujanoci janë trojet e mia,
Aty ku qyqja kukat pandalë,
Shkupi, Tetova emblemë nga iliria,
Fjalën kanë pushkë e kangën vaj.
E moj dorë sa dhimbshëm shqiprove,
thonë se gjuha shkon aty ku dhëmbi dhemb,
Me shekuj o atdhe u preve, u coptove.
E nuk ka forcë që të përkul e të shëmb.
O jam nji zanë e lindur në lashtësi,
Emrin e kam pagëzue Shqypni,
Sot, dje, shekujve me radhë,
Botës krenarisht i thashë”
“Jam Shqiptare”
Me te drejtat e autorit
/QendraPress/
