Çaste poetike me poeten;-Dava GJOKA
SHOQËRIA MES POETËSH
————————-
Këtu ku deti e pret Drinin
E natyra bukur flet
N’këtë ditë Vjeshte lamë takimin
Në shoqëri disa poetë
Buzëqeshën kur na panë
Të dy bashkë Drini e deti
Mirë se erdhët ne na thanë
Këtu do të gjeni muzë poeti
Siç rrinë bashkë lumenjtë me detet
E i përkëdhelin të bukurat valë
U bënë bashkë sot dhe poetët
Lidhur fort me t’ëmblat fjalë
Flet Mhill Marku ushtarak
E poet plot mençuri
Na bashkoi , thotë , pena n’varg
Ku rrinë bashkë deti me Dri’
Sa e pa Drini Mhill Markun
I tha detit dy , tri fjalë
Ky poet për ty shkrin vargun
E zemrën ka si Drini i bardhë
Ke të drejtë o Drini plak
Që m’i thua këto fjalë
Ky poet shkrin penë e varg
E m’i kthen dallgët në valē
Isuf Sokoli vjen nga mërgimi
Bashkë me familjen e tij
Nuk përshkruhet ,thotë , gëzimi
As me fjalë e poezi
Dhe një yll që i ngjan detit
Po kaq shumë dhe lumit Drin
Është Sokoli ,djali poetit
Lindur ,rritur në mërgim
E flet bukur gjuhën shqipe
Siç ja ka mësuar nana
Buzêqeshja e kësaj dite
Është sot nana e djalit , Zana
Dhe Ndoc Smajlaj mendjehollë
I shkolluar për mësuesi ‘
Profesor ka qenë në shkollë
E shkruan bukur poezi
Vjen këtu sot n’këtë takim
Një poete nga mjekësia
Lindur ka atje n’Zadrimë
Gjyste Dajani ,vetë poezia
Një poet e lashë në fund
Dhe jo për nga rëndësia
Është poeti që u përkund
N’djepin ku lindi poezia
Ndue Dragusha profesori
Psikologu e gazetari
Për poetët , redaktori
I ndreq vargjet si “zdrukthtari “
Dhe një zonjë tepër fisnike
Është sot këtu në këtë takim
Ndue Dragusha këtë sojnike
E ka n’krah si frymëzim
Nga kjo ditë marr shkas dhe unë
Që t’i them bashkëshortit tim
Se të dua ,të dua shumë
Bashkë me ty dhe poezinë
Sot unë kam dhe një gëzim
I paharruar ka me mbetë
N’duar kam sot librin tim
Pagëzuar me numrin dhjetë
Deti e Drini folën qetë
Na shtrënguan fort në gji
Sa herë të vini ju poetë
Muzë do t’gjeni për poezi
Këta poetë krejt mirësi
I thonë fjalët gjithë lezet
Nuk mjafton një poezi
Që t’u thuhen vlerat krejt
Terapi , ilaç për zemër
N’varg të tyre kur të tretesh
Mrekulli ,s’ka tjetër emër
Shoqëria mes poetësh
/QendraPress/
