Çaste poetike me poeten;-Dava GJOKA

MË RREH ZEMRA VEÇ PËR TY

——————————————-

Dashuri lule Pranvere

Që zbret bjeshkës si një zanë

Po të pres unë kësaj here

Të më marrësh n’gjirin tan

Bukuri mbi bukuritë

Si një lule ,bjeshkës rritur

Fytyra jote po t’ban dritë

Eja lule ,sa t’kam pritur

Kur hedh hapat ti ngadalë

Me at’ shtat plot hijeshi

Largon Drini t’bukurat valë

Për me t’marr veç ty në gji

Ja merr hanës vezullimin

Me ata sy si rrush i zi

E ndal dielli rrezatimin

Kur i del përpara ti

Me at’ shikim m’bane për vete

Kur më sheh ti drejt në sy

Dashurinë në shpirt ma trete

Më rreh zemra veç për ty

Dava Gjoka Lleshaj , Tiranë 14 Mars 2025

/QendraPress.com