Çaste poetike me poeten:-Drita DEKAJ

ËNDRRA MORI UDHË…

————————–

Një andërr e kahershme.

Mu shfaq paprit…

Në qiellin e kaltër u

duk një dritë…

Mendimet që pata mi grabiti era…

Bashk me gjethe

pemësh,

mbulueme me therra.

Larg në horizont.

Me sfondin e bukur.

Ëndrra kish marr krah,

fluturonte si flutur.

Ëndrra fluturonte me krahët e mia.

Me mëndje e me zemër ku rrin qetësia.

Ëndrra mori udh nëpër kontinente,

 shpirtin tim të lirë e mori me vete…

/QendraPress/