Çaste poetike me poeten:-Drita Kosumi SYLA

TINGUJT E HESHTJES

——————————.

Në një cep të botës

ku dritat flasin më shumë se njerëzit

heshtja përplaset me muret

si një valë deti e trazuar.

Hapat e mi bien ngadalë

mbi pllaka të ftohta asfalti

ndërsa qielli shkruan histori

me re që zhduken para syve.

Një erë e lehtë prek flokët e mi,

si një kujtim që s’di kujt i përket.

Nuk ka orë, nuk ka kufij,

vetëm një ndjenjë që pulson në gjoksin tim.

/QendraPress.com/