Çaste poetike me poeten:-Elmije AJAZI

Më fal, Atdhe

————————-

Unë ika, por hija ime mbeti mbi malet e tua.

Shkova larg, por fryma ime ende endet mbi fushat e tua.

Ti je gjaku im, dhe gjaku nuk ikën — veç qarkullon e kthehet.

Më fal që nuk isha aty kur duhej të të mbroja,

që duart e mia u bënë punëtorë të botës e jo roje të pragut tënd.

Por dije, Atdhe:

edhe nëse varri im hapet larg teje,

shpirti im do të gjejë rrugën mbrapsht,

si lumi që kthehet gjithmonë te deti i vet.

Unë s’të lashë kurrë, Atdhe — veç mora frymë larg.

/QendraPress/