Çaste poetike me poeten;-Elmije AJAZI

GURË DHE GJAK

———————————

Në male ku era qan për t’u rrëzuar,

Dielli lind mbi gurët e njomur me gjak.

Zemrat s’u përkulën,

dhe flaka e tyre ndezi shpirtin e kombit.

Muret ranë, por zëri i tyre nuk shuhet;

dhimbja u kthye në zjarr, flaka u bë histori,

që dridhet në çdo shtëpi,

që mban mbi supe krenarinë e kombit.

Në çdo gur që mban gjurmë,

në çdo pikë gjaku mbi dhe,

fryma e lirisë thërret:

“Nuk dorëzohemi, nuk harrojmë.”

Jasharët — emër që ndez epikën,

fytyrë trimërie, zë që dridhet shekuj.

Krenaria jonë është jeta e tyre,

dhe çdo shqiptar mban shkëlqimin e kësaj epopeje.

Lavdi e përjetshme për Familjen Jashari

dhe për të gjithë dëshmorët e lirisë.

/QendraPress/