Çaste poetike me poeten; Ervina TOPTANI

Tretë n’përqafim…

———————

A e din çka mundet t’bajë nji përqafim?

Mundet me t’kthye t’vogël krejt

Trupit shpirtin cullak me ja pà

tue shkye mbshtjellnat e rrejshme,

n’fjalë t’heshtuna jetën me dëftue

futë n’vijë t’gjakut drejt e n’zemër lshue

Mundet me thye kristale t’akullna

qi thikash e tehesh zjerrm kan’ prè

me shpërthye vezullimesh nji bot’ t’tanë

mbyllë n’kafaz t’çeliktë ku drita s’hyn

asnji fije për bè

Mundet me t’kthye qiellin e ngroftë

bash kur shtrëngatash e t’bërtituna shtriganësh asht kaplue,

Mundet hanën me ta shti n’gotë,

e shpirtit me ia ildisë do hyje,

do flutra t’kuqe përflak dashnie

n’gem t’lukthit me i ndìe..

Nji përqafim….

Dy krahë t’shtrimë,

munden s’mbari botën me ta kthye

kur bota krejt s’mbrapshti asht shkue….

/www.QendraPress.com/