Çaste poetike me poeten: Farida Zmijani RAMADANI

Femra

——————-

Një vijë lapsi që rrëshqet në linjat e përjetimit

Skalit kodin e dalldisjes në mendjen e kthjellët

Konturon format që derdhen brenda saj

Eshkë që i vë zjarrin të gjitha trajtave

Rrëshqitje e shkujdesur në një ledhatim delikat

Asnjë mundësi rrëfimi nuk mund ta vijëzojë ëmbëlsinë e saj

Poetët e gdhendën në vargje

Muzikantët e derdhën në tinguj

Piktorët u rrekën me penelat ngjyrash ta jetësojnë

Të shprehin dashninë si ofshamë i një plazmimi joshës

Se femra është vetë joshje

Është magji

Ndjenjë

E dashni.

/www.QendraPress.com/