Çaste poetike me poeten;-Farie BISHA

^{Lot hyjnor…}

^{——————————}

^{më “korrigjoi” dikush me kujdes,}

^{ndërsa “dobësi” po i quaja…}

^{Tehu i mprehtë mendova}

^{midis shpërthimit dhe përmbajtjes.}

^{Burojnë në çaste të caktuara,}

^{aty ku shpirti s’mund të mbajëeshën}

^{e padukshme të Demokleut.}

^{Janë gjendje force,}

^{zjarre që digjen nën akull,}

^{vullkan në kohë qetësie,}

^{heshtje që fshehin shpërthimin.}

^{Të bekuar ata që njohin këto reagime,}

^{reaksione “lufte” të fshehta,}

^{dallgë tsunami që përplasen brenda.}

^{Lule marsi që çelin mes acarit,}

^{perla të padukshme,}

^{pika thesari që heshtja i mbron.}

^{Ndriçojnë nën hënën e netëve të pagjumta,}

^{dritë magjie që fsheh universin e shpirtit.}

^{Jo të gjithë meritojnë të shohin}

^{lotët e brishtësisë së çmuar.}

^{Në çdo pikë perle reflekton një qiell i thyer,}

^{në çdo heshtje — një vetëdije e bukur…}

^{/QendraPress/}