Çaste poetike me poeten:-Fatbardha Xhani MYSLIMAJ

HËNË E LUGËT E TË PANJOHURËS

—————————————–

Me të panjohurën

kemi marëdhënie dashurie;

Dridhemi si flokë shelgu sa herë e errët

na grish të ëndërrojmë

Na tremb për një çast

na ngrin,

Pastaj vjen joshëse

krejt ndryshe nga sa e kemi pritur

e tyltë, plot mistere tê bardha

mes tingujsh vallëzon

tangon e trishtë

të harrimit…

Sonte,

Hëna ishte e lugët

si një gondola e verdhë

notonte ëmbël në qiellin blu,

e unë ëndërroja njê Venecia të kaltër

një shi yjesh mbi flokët e mi

një mbrëmje të panjohur

që s’më përket…

/QendraPress/