Çaste poetike me poeten :Fatime KALIMASHI
PO QAJ PËR TË ARDHMEN
——————————————
Sa herë e piva mallin me lot për ty
Sytë mallëngjyer e buzët përgjakur
Shpirti i etur për një ardhmëri
Që mos të zbrazet vendi nga e shtrenjta rini
Sa herë piva mallin me dhimbje e lot
Plagët po më ndjekin kudo nëpër botë
Çdo ditë e më shumë rinia po ikën
E kaluara iku të ardhmes ia kemi frikën
Unë po qaj me zemër e shpirt
Po qaj për kohën që po e jetojmë
Me sytë e mendjes shpresoj që një ditë
Ardhmërinë së bashku ta kemi me dritë
FK
