Çaste poetike me poeten;-Flora Mezini BOJA

Aromë trëndafili dhe buzëqeshje pranvere

——————————————————–

Në një bahçe me trëndafila,

ku aroma ëmbël nuhatet,

duket si tapet me shumë ngjyra ,

shpirti aty lundron e qetësohet.

Mbi petalet e trëndafilave

flutura krahëshkruar gëzon,

dëgjon me ëndje këngën e bilbilit

që mbi degën e blirit , bukur këngës i’a thotë.

Në stinën më të bukur,

atë të pranverës ,

çdo gjallesë frymon dhe çdo lule çelet,

Margaritat, me bukurinë e tyre,

ftojnë të rinjtë të ulen mbi këtë tapet ,

Djemtë si petrita

thurin kurora me dashuri dhe dorë të ngrohtë.

Princeshave të zemrës ua vendosin në flokë,

si shenjë e ndjenjës së dashurisë së parë,

në këtë parajsë të vërtetë

ku lumturia çel si lule në behar.

Aty bilbili s’e pushon këngën e tij

Aroma e trëndafilit shpirtin deh,

aty dashuria nis ëmbëlsisht

Dhe zemra rreh me tik tak më të shpejtë .

Këtë parajsë, këtë mrekulli,

nuk e dëshiron veç brezi i ri;

E kërkon edhe mosha e pleqërisë,

çlodhjen dhe qetësinë e gjen aty çdo njeri.

Ndaj le t’i gëzohemi pranverës,

se s’jemi këtu përgjithmonë;

mirëseerdhe, moj stinë e jetës,

sa shumë në numër na le,

e sa mangët na gjete sot.

/QendraPress/