Çaste poetike me poeten:-Hatixhe Çollaku ADEMAJ

Një copëz Diell

——————————

Është i imi,

më besoni.

E kam në shpirt, më mban në jetë.

Erdhi tek unë me të lindur,

tek unë do t’rri —

gjersa n’trup, shpirt do të ketë.

Bëra të pamundurën ndezur ta mbaja,

errësira mos ta kaploj.

Do ta mbaj sa të kem frymë,

e pastaj do ta lë të shkojë…

Por në mua u shumëfishua,

se isha nanë — këtë mision kisha:

gjeneratave zjarrin gjallë t’ua mbaja.

S’kish rëndësi

kush, si e çfarë isha.

/QendraPress/