Çaste poetike me poeten; Ibadete S.LIVAREKA

Fjala shqipe

—————————–

U rrit lule fjala e mori fuqi

shkëmb e gurë po mbahej në kohë me acar

në sy me atdheun me britma çau qiellin

Zgjohu o Naum na duhet Evetar.

Mes drithërimash, vetëtimë terrin depërtoi

në trungje përkëdhelte degët nën kurorë

flakë ra mbi mizorët që e shuan Luarasin

pse donte ta kthente çdo shtëpi në shkollë.

Si plaku dërmuar që urtësinë e bartë

dhe nëpër gëzime me bukuri mbretëroi

I gërmoi hujet e feve që përçanin

rreth shpirtit të shkronjave pishtarët i bashkoi.

Pishtar si Gjergji dhe si Mithati

nën flakën e kandilit jetën e panë

nga perde ngatërruar zgjidhën e radhitën

secilës në vete dritë shpirti iu dhanë.

Çdo shkronjë në letër mori shpirt e jetë

u la si dheu në gjak dhe rrëke loti

pluhuri i kohës nuk mundi t’i mbulojë

me dorë hyjnie i pastroi Zoti.

/www.QendraPress.com/