Çaste poetike me poeten:-Igball Brava KRIVANJEVA

JU RRËFEVA

————————

Ju rrëfeva dheut e desha të jetë i lirë

Ju rrëfeva nënës që m’i fali ëndrrat e bukura.

Djepit ku u rrita si margaritar e lirisë

Lules së trëndafilit ku qëndron flutura..

Ju rrëfeva.

Dëshmorëve që dhanë jetën për lirinë..

Që guxuan aq shumë në beteja të forta

Në secilin fjalë e në çdo urim.

Solla gjithë shpresat që ka bota..

Ju fala fytyrave të shtrenjta çlirimtare..

Për gjuhën time që më bën kaq krenare.

E në gjunjë u ula pranë flamurit.

E putha me buzët që digjshin si flakë.

Do t’ i falem kohës së bukur

Kur të gjithë do mësojmë të njëjtën abetare .

E do të mbajmë si mollë të ardhmen.

– Igball( Bali ) Krivanjeva –

08 . 12 . 2025

/QendraPress/