Çaste poetike me poeten ; Irena BIDA

Dashuri ,që nuk perëndon…

—————————————

Sa herë vij tek Ti Korça ime ,

malli djeg , mbetet i pashuar .

Të shoh zonjë të bukur ,

nuse e nusëruar.

Mbrëmjeve mahnitshëm

,me drita neon ndriçuar.

Dashuri , bekim prej Perëndie .

Tek Ti ndjeva të ngrohta ledhatime,

nga e shtrenjta nëna ime.

Ndjeva dhimbje, lëndime e gëzime .

Tek Ti hodha hapin e parë .

Fola shqip fjalët babë , nënë .

Dashuritë e mëdha ndjeu zemra ime .

Bukuri i dhanë shpirtit tim .

Ti je magji, që çmend,

O i ëmbël vend.

Perëndeshë ,

që të le pa mend.

Të hijeshon Morava ,

kryqi i shenjt.

Bukuritë magjepse në trupin tënd.

Në rrugicat me kalldrëm,

mbushur trëndafila, erë jargavan ,

serenatat ëmbël , pafund kënduam.

Birrën e ftohtë tek Panda provuam .

Dashuri e parë, kurrë nuk u harrua.

Me ty Korçë fort dashuruar .

Dashuri, që nuk perëndon.

Aromë bliri ngado kundërmon.

/QendraPress.com/