Çaste poetike me poeten:-Katerina BARBIERI

Muzës time

———————-

Me ty fle un në shtrat ëndërrash,

se shpirtin m’stolis me metaforë,

në krah fluturash ti rendesh,

dhe me vargjet thur kurorë

Ti më deh si verë e kuqe,

ndaj tek ti zë e përhumbem,

port-hyjnore, ca burbuqe,

muzgut t’ngrysur ,nuk lëkundem

Ti mi heq prangat e shpirtit,

dhe e kthen në zog të lirë,

më jep forcën e Jesu Krishtit,

fluturoj ,pa frikë në hapësirë

Një gjerdan me andrelinë

shtruar gjirit gjithë lezet,

kohët thinjen, ikin-vijnë,

muza derdhet bardhë mbi fletë !

/QendraPress/