Çaste poetike me poeten;-Klejda PLANGARICA

PA BËZAJT

—————————–

Ai është buzëqeshje

Shpon tejpërtej mjegullat rreth meje

Pa bëzajt

Hiç, asnjë shkrepje!

Ai është vështrim

E rrokullis si zhongler rruzullin tim

Pa bëzajt

Hiç, asnjë pëshpërimë!

Ai është kripë

M’i shpërthen një e nga një receptorët

Pa bëzajt

Hiç, asnjë pikë!

Ai është frymë

Më përvidhet si ikacak anekënd trupit

Pa bëzajt

Hiç, asnjë grimë!

Ai është gjumë

Më nanuris, më trullos e shpie në shtegtim

Pa bëzajt

Hiç, asnjë çikë…

Ai nuk bëzan, por nuk është heshtje!

Është rrokullisje, trullosje, shpërthim…

Thellë meje!

/QendraPress/