Çaste poetike me poeten;- Laureta MALAJ

RIMA QË KRIJOI FLUTURËN !

————————————

Pa u ndalur rrugës time

hapat lehtë unë seç i hodha.

Fjalët vinin si furtunë

edhe mendja s’thosh u lodha.

Nëpër zhurmë të mendimeve

gjeta vargun pa u ndjerë.

Edhe hapa zemrën time

ku dhe shpirti bëhej erë.

Ra një rimë në baçen time

Dhe një flutur e krijoi.

Seç e çeli zemrën time

buzëqeshje veç dhuroi.

Gjithçka erdhi pa kuptuar

si një dritë që të ndriçon.

Sa dhe vargu ngeli flutur,

një frymëmarrje që jeton.

/QendraPress/