Çaste poetike me poeten: Lebibe ZOGIANI
UROJ ME MALLIN PËR TY
—————————————
Uroj me mallin për nënën time
Që nuk e mbaj mend si dukej
Por, më thonë se ishte engjëll
Aq shumë dashuri fali
Dhe Zoti e mori për vete.
Uroj me përqafimin
Përkëdheljen e saj të fundit.
-Mos ia prisni flokët!
I tha babait.
Me gjashtë lindjet e mia ta rrisni
Flokët t’ia krihni!
Uroj me besnikërinë e babait
Për mua, nëna më e mirë.
Uroj, për gjithë fëmijët në botë
Me aq dashuri të madhe
Vëllai dhe motre shqiptare
Të rritet çdo jetim!
/www.QendraPress.com/
