Çaste poetike me poeten;-Lola SHEHI

BIE SHI

——————–

Në qytetin ku mungon hapërimi yt, bie shi

Një shi i rrëmbyer e akull i ftohtë

Qiell i pushtetshëm, një pushtet ngjyrë gri

Akullnajën e shpirtit ma qëndis mbi flokë.

Era e tërbuar çadrën ma shkatërron

Vetëtimat gjarpëroshe më ndizen në sy

Ca malle largësishë qënien ma pushtojnë

Koordinata destinacionesh m’hartohen në sy.

Lodhem formulash t’gjej shkallën e zvogëlimit

Kilometra e milje t’i bëjë realitet

Hesapet m’i bënë lëmsh koefiçenti i trishtimit

Që m’bëhet gjëmim e gjëmimesh më vret.

Kjo hartë destinacionesh hesht si memece

Më ka shpallur luftë

Asnjë fjalë s’më flet….

/QendraPress/