Çaste poetike me poeten; Mejrem Kajolli TUSHA
PSHERËTIM PLISI
——————————————
Jeta dhe vdekja kacafyten
mes dashurisë dhe mërisë
Tërhjekin litarin mbuluar me gaca
Digjen duart, gishtat, shputat.
Akulli pret t’i freskon varrat
Harron që më shumë dëmton
Zjarri flakën shpërndan
Zemra shkrumë shkrumosur qan
Plisi dhe opingat hutohen
nëpër botë të shpërndarë
nuk dijnë ku të rrëzohen.
Shamia e kuqe mbi sheshir
humb hijeshinë nusërisë
Koha i hëngri stinët
Nata mbuloi ditën
Vajtimet shqip nuk dëgjohen
athua mbetëm shurdhër
athua vërtetë nuk dëgjohen.
Heshtja mbretëron tek varrezat
Dekadat pa frymë kujtojnë ditët
Shenjat e fundit të tymit shuken
Mbetëm vet me lotin, pa zë.
/www.QendraPress.com/