Çaste poetike me poeten;- Mejrem Kajolli TUSHA

VETËM SHQIP

—————————–

Me çdo shkronjë pasqyrojmë veten

Me çdo fjalë reflektojmë kombin

Me fjali shkruajmë vepra

Shqip i ngrohim zemrat

Zgjojmë rrënjët nga gjumi i viteve.

Në tingullin e gjuhës

lahuta e qiellit dridh historinë

Ndez kujtesën me gjethe shprese

Zbukuron kohën në kopshtin e dritës.

Dhe, ne vetë shkruajmë jetën tonë

Shqip gdhendim faqet e pafund të kombit

Me krahët e shqiponjës

shpalosim thirrje në fluturim

Shqip të flasim

Shqip të shkruajmë

Shqip të lexojmë

Shqip dhe vetëm shqip të këndojmë.

/QendraPress/